Պաշտպանության նախարարի տեղակալ Արման Սարգսյանը չի բացառում, որ Ադրբեջանը կարող է նոր սադրանքներ ձեռնարկել։ Սարգսյանն այս մասին ասաց լրագրողների հետ ճեպազրույցում։
«Երեկվա միջադեպի հետ կապված բոլոր տեղեկությունները հրապարակված են։ Այս պահի դրությամբ իրավիճակը հանգիստ է»,- ասաց Արման Սարգսյանը։
Հարցին, թե Ադրբեջանի կողմից նոր սադրանքներ հնարավո՞ր է ձեռնարկվեն, Սարգսյանը պատասխանեց.
«Իհարկե, որևէ բան բացառել հնարավոր չէ, բայց այս պահի դրությամբ ինչ տեղեկատվություն Պաշտպանության նախարարությունը կտրամադրի, խնդրում եմ՝ դա ընդունել ի գիտություն»:
Դիտարկմանը, թե ինչու թույլ տրվեց, որ ադրբեջանցիներն այդքան ամրանան մեր տարածքում, որ նրանք ավելի լավ են տեղակայվել, փոխնախարարը պատասխանեց. «Դուք ի՞նչ գիտեք՝ ով է ավելի լավ տեղակայվել: Մենք էլ ենք ինժներական աշխատանքներ իրականացնոեւմ եւ երեկվա սադրանքը ինժեներական աշխատանքների իրկանացման վայրում է տեղի ունեցել»:
