ՌԴ նախագահ Վլադիմիր Պուտինը Կրեմլում ընդունել է Բելառուսի նախագահ Ալեքսանդր Լուկաշենկոյին, հայտնում է Կրեմլի մամուլի ծառայությունը։
Երկու ղեկավարների բանակցությունները տեղի են ունենում Ռուսաստանի և Բելառուսի Գերագույն պետական խորհրդի նիստի նախօրեին, որը տեղի կունենա ապրիլի 6-ին։
Ապրիլի 4-ին Լուկաշենկոն շնորհակալություն էր հայտնել Ռուսաստանին` տեխնիկական հետախուզության ոլորտում Բելառուսին օգնելու համար։
Ապրիլի 2-ին ՌԴ նախագահը հայտարարեց, որ Ռուսաստանի և Բելառուսի միջև դաշնակցային կապերի ստեղծման աշխատանքները կշարունակվեն: Նույն օրը Լուկաշենկոն ընդգծել էր, որ Մինսկը և Մոսկվան շարունակում են միավորել ուժերը՝ պաշտպանելու ինքնիշխանությունը և զարգացնելու Միութենական պետության ներուժը։
Մարտի 25-ին Պուտինը հայտարարեց, որ Ռուսաստանը մարտավարական միջուկային զենք կտեղակայի Բելառուսում։
