Հեռախոսազրույց է կայացել Ռուսաստանի և Թուրքիայի նախագահների միջև:
Կրեմլի մամլո ծառայության փոխանցմամբ՝ Վլադիմիր Պուտինը և Ռեջեփ Էրդողանը քննարկել են երկկողմ համագործակցությունը, գոհունակությամբ խոսել առևտրատնտեսական կապերի դրական դինամիկայի, էներգետիկ ոլորտում համատեղ ռազմավարական նախագծերի կապակցությամբ։
Ռուսական կողմի փոխանցմամբ, երկու առաջնորդները պայմանավորվել են ուսումնասիրել Ռուսաստանից շինանյութի մատակարարման կազմակերպման հնարավորությունները՝ «ի շահ ավերված ենթակառուցվածքների և բնակարանների վերականգնման»։
Էրդողանը, ըստ հաղորդագրության, դրական է գնահատել ուկրաինական հացահատիկի արտահանման ժամկետները երկու ամսվով երկարաձգելու շուրջ Մոսկվայի համաձայնությունը։
