Ֆրանսիացի պատգամավորները պահանջել են վարչապետ Էլիզաբեթ Բորնի հրաժարականը կենսաթոշակային տարիքի բարձրացման մասին օրենքի ընդունման հարցով նիստի ժամանակ։ Այս մասին հայտնում է Le Monde-ն։
Նիստի ընթացքում կառավարության ղեկավարը պաշտոնապես հայտարարել է, որ Ֆրանսիան օրենք է ընդունել, որով կենսաթոշակային տարիքը 62-ից 64-ի է բարձրացվում։ «Մենք չենք կարող վտանգի ենթարկել խորհրդարանական հանձնաժողովների միջև ձեռք բերված փոխզիջումը։ Մենք չենք կարող խաղադրույք կատարել կենսաթոշակային համակարգի ապագայի վրա, այս բարեփոխումն անհրաժեշտ է»,- ասել է նա։
Հայտարարության ժամանակ դահլիճում գտնվող բազմաթիվ պատգամավորներ պահանջել են Բորնի հրաժարականը և երգել «Մարսելյեզը»։ ծայրահեղ աջակողմյա «Ազգային միավորում» կուսակցության առաջնորդ Մարին Լը Պենը վարչապետի գործողությունները ապտակ է անվանել ժողովրդավարությանը։ Նա հայտարարել է, որ կաջակցի Բորնին անվստահություն հայտնելուն՝ կենսաթոշակային բարեփոխումների ընդունումից հետո։
