Պայթյունները, որոնց մասին հայտնել են տեղական ալիքները, հավանաբար կապված են Մինսկի շրջանում գտնվող Մաչուլիշչիի օդանավակայանի վրա հարձակման հետ։ «Բելառուսական գայուն» մոնիտորինգային խմբի փոխանցմամբ՝ նախնական տվյալներով՝ հավանական հարձակման թիրախը ռուսական ռադիոլոկացիոն տեղորոշման Ա-50 ինքնաթիռն է եղել։
BYPOL նախաձեռնությունը հաստատել է, որ ռուսական Ա-50 ռազմական ինքնաթիռը պայթեցվել է։ Նախաձեռնության համաձայն՝ վնասվել են օդանավի ճակատային և կենտրոնական մասերը, ավիոնիկան և ռադիոտեղորոշիչ ալեհավաքը։
«Վնասը լուրջ է, ինքնաթիռը հաստատ ոչ մի տեղ չի թռչի: Դեպքը տեղի է ունեցել այն ժամանակ, երբ այս ինքնաթիռի մոտ ձյուն մաքրող մեքենաներ էին աշխատում»,- գրում է BYPOL-ը և միջադեպը կապում բելառուս պարտիզանների գործունեության հետ։
Մաչուլիշչի քաղաքում, որը գտնվում է Մինսկից մի քանի կիլոմետր հեռավորության վրա, տեղակայված են Բելառուսի ռազմաօդային ուժերի և հակաօդային պաշտպանության 50-րդ բազան և ռազմական օդանավակայանը։
Օդանավակայանն ակտիվորեն օգտագործվում է Ռուսաստանի կողմից, Ուկրաինայի դեմ։ Մասնավորապես, այստեղ տեղակայված են ռուսական МиГ-31К կործանիչներ, որոնք ունակ են կրել և արձակել «Կինժալ» հիպերձայնային հրթիռներ։
