Ինչով է պայմանավորված, որ Թուրքիային առաջին օգնությունը 100 տոննա էր, երկրորդը դեռ չի հրապարակվել, իսկ Սիրիային առաջին օգնությունը եղավ 30 տոննա, երկրորդը՝ 25: Այս հարցով լրագրողները այսօր՝ փետրվարի 16-ին, կառավարության նիստից հետո դիմեցին ԱԻ նախարար Արմեն Փամբուխչյանին:
«Դա պայմանավորված է ըստ կարիքների: Ընդհանուր երկու երկրներ մոտ 180 տոննա բեռ է ուղարկվել: Սիրիայում մեր փրկրարաներն ավարտել են աշխատանքը: Թուրքիայում նույնպես ավարտել են, այդ պատճռով վերադարձել են»,-ասաց նա:
Հարցին՝ ակնկալիք ունե՞ք, թր այդ օգնություններից հետո Թուրքիան կփոխի ագրեսիվ քաղաքականությունը Հայաստանի նկատմամբ, նա արձագանքեց. «Մենք իրականացնում ենք մեր մարդասիրական գործառույթները, իսկ մնացածի մասով չեմ կարող պատասխանել»:
Հարցին, թե արդյոք Հայաստանը Արցախին վերջին շրջանում հումանիտար օգնութփյուն հատկացրել է եւ որքան, Արմեն Փանբուխչյանը պատասխանեց. «Մեկ ամիս առաջ Արցախին հավելյալ 4 մլրդ դրամ է հատկացվել, եթե չեմ սխալվում. Այդ թիվը ավելի ճիշտ կասի ֆինանսների նախարարությունը: Հումանիտար օգնություն Արցախին ԱԻՆ-ի մասով չի ուղարկվել, մնացած մասով չգիտեմ»:
