Վրաստանի արևմուտքում 4,4 և 3,6 մագնիտուդով երկրաշարժեր են տեղի ունեցել: Այս մասին հայտնում է Sputnik-Грузия-ն՝ հղում անելով Վրաստանի սեյսմիկ մոնիթորինգի ազգային կենտրոնին:
Առաջին մագնիտուդով երկրաշարժի էպիկենտրոնը գրանցվել է Թբիլիսիի ժամանակով ժամը 12:07-ին՝ Գուրիայի շրջանից 4 կմ հեռավորության վրա: 3,6 մագնիտուդով երկրորդ երկրաշարժը տեղի է ունեցել 12:21-ին՝ Օզուրգեթիից 5 կմ հեռավորության վրա: Նշվում է, որ նախօրեին ևս 4,3 մագնիտուդով երկրաշարժ է տեղի ունեցել Վրաստանում:
Զոհերի և ավերածությունների մասին տեղեկություններ չեն ստացվել։
