Փետրվարի լույս 11-ի գիշերը ռուսական զորքերը երկու անգամ ավիահարվածներ են հասցրել Օդեսայի շրջանում, հաղորդում է Ուկրաինայի Զինված ուժերի «Հարավ» օպերատիվ հրամանատարությունը։ Մոլդովային սահմանակից տարածքներում կրիտիկական ենթակառուցվածքային օբյեկտները հարձակման են ենթարկվել՝ «բնակչության շրջանում խուճապ առաջացնելու համար», հայտնել են Ուկրաինայի զինված ուժերում։
Օդեսայի կղզում չորս ավիառումբ է նետվել, Օդեսայի շրջանի ափամերձ գոտին հրթիռակոծվել է երեք հականավային հրթիռներով։ Զոհեր և վիրավորներ չեն եղել։
Նախորդ երեկոյան «Հարավ» օպերատիվ հրամանատարությունը հայտնել էր, որ ռուսական բանակը անօդաչու սարքերով հարձակվել է Ուկրաինայի հարավային շրջանների կարևոր ենթակառուցվածքային օբյեկտների վրա։
2022 թվականի փետրվարի 24-ից Ուկրաինա ներխուժման շրջանակներում Զմեյնի կղզին վերցվել է ռուսական զորքերի վերահսկողության տակ։ Հունիսի 30-ին այն լքվեց Ուկրաինայի կողմից հասցված հարվածներից հետո:
