Իրանի Սպահան քաղաքում գտնվող ռազմական գործարանը շաբաթ լույս կիրակի գիշերը անօդաչու թռչող սարքերով հարձակման է ենթարկվել։
Իրանի պաշտպանության նախարարության տվյալներով՝ դրանք խոցվել են հակաօդային պաշտպանության համակարգերից, զոհեր և վիրավորներ չկան, կայանին նույնպես մեծ վնաս չի հասցվել։ Իրանի իշխանություններին դեռ չի հաջողվել պարզել, թե որ երկրին կարող էին պատկանել անօդաչու սարքերը։
Իրանական լրատվամիջոցները հայտնում են նաև պայթյունների և հրդեհների մասին Թեհրանում, Թավրիզ և Դեզֆուլ քաղաքներում՝ ռազմավարական նշանակության վայրերում և նավթավերամշակման գործարաններում:
Հիշեցնենք՝ հուլիսին Իրանը հայտարարեց քուրդ դիվերսանտների խմբի ձերբակալության մասին, որոնք մտադիր էին պայթեցնել Սպահանում ռազմական համալիրը։ Նրանց մեղադրում էին Իսրայելի օգտին աշխատելու մեջ։
ArmLife.am
