Զանգվածային լրատվության միջոցների մեր շատ սիրելի գործընկերներին ու մեր քաղաքացիներին տեղեկացնում ենք, որ այսօր Հրազդանի թիվ 11 հիմնական դպրոցում տեղի ունեցած դեպքով Հրազդանի բժշկական կենտրոնում ժամը 15:00-ի դրությամբ որևէ քաղաքացի բուժում չի ստանում:
Այս մասին տեղեկանում ենք Կոտայքի մարզպետարանից:
«Բոլորը լավացումով դուրս են գրվել:
Հետագա նորությունների վերաբերյալ ևս համապատասխան հաղորդագրություն կտարածվի»,-ասվում է հաղորդագրության մեջ:
Հիշեցնենք, որ Հրազդանի թիվ 11 դպրոցում աշակերտներից մեկի կողմից անհայտ գազ օգտագործելու հետևանքով ինքնազգացողության վատացմամբ շտապօգնության մեքենայով Հրազդանի բժշկական կենտրոն էր տեղափոխվել 9-14 տարեկան 12 երեխա:
