Թբիլիսիի Վազիսուբանի բնակելի շենքում ողբերգական դեպքի հետեւանքով մահացած տղմարդու եւ կնոջ մարմինները հանձնվել են Սամխարաուլիի դատաբժշկական փորձաքննության բյուրո։ Մահացածները 4-ամյա երեխա ունեին, գրում է վրացական Resonance Daily-ն ։
Դեպքը տեղի է ունեցել նախօրեին։ Արմեն Սարկիսովն ընկել է վերելակի հորանը, իսկ կինը փորձել է օգնել նրան, երբ վերելակը շարժվել է. երկուսն էլ մահացել են։
Դեպքի առթիվ հետաքննություն է սկսվել անվտանգության եւ շահագործման կանոնները խախտելու հոդվածով, տեղում աշխատում են ոստիկանությունն ու դատաբժշկական փորձագետները։
Տեղի բնակիչներն ասում են, որ վերելակի հետ կապված խնդիրը վաղուց է եղել, եւ իրենք բազմիցս խնդրել են վարչությանը լուծել խնդիրը, սակայն ապարդյուն։
Իսնինսկի շրջանի նահանգապետի խոսքով՝ ոչ վարչակազմը, ոչ էլ քաղաքապետարանը նման կոչ չեն ստացել բնակչության կողմից։
