Ֆուտբոլի միջազգային ֆեդերացիան (ՖԻՖԱ) կարգապահական գործ է հարուցել Արգենտինայի ֆուտբոլի ասոցիացիայի (AFA) դեմ։ Այս մասին հայտնում է ՖԻՖԱ-ի կայքը։
Հայտարարության մեջ ասվում է, որ գործը հարուցվել է հոդվածների հնարավոր խախտման պատճառով, որոնք վերաբերում են վիրավորական վարքագծին և արդար խաղի սկզբունքների խախտմանը, ինչպես նաև խաղացողների ու պաշտոնյաների կողմից ապօրինի գործողություններին: Նշվում է, որ խոսքը Կատարում կայացած ԱԱ-2022-ի եզրափակիչ խաղում ֆուտբոլիստների պահվածքի մասին է։
2022 թվականի դեկտեմբերի 18-ին Արգենտինայի հավաքականը Կատարի մրցաշարի եզրափակիչ խաղում հաղթեց Ֆրանսիային և պատմության մեջ երրորդ անգամ նվաճեց գավաթը։
Նշենք, որ ԱԱ-2022-ի եզրափակիչ խախղից հետո դարպասապահ Էմիլիանո Մարտինեսը մրցանակը ձեռքին՝ ոչ ընդունելի շարժում էր կատարել, ինչը ցնցել էր երկրպագուներին և կազմակերպիչներին։ Խաղից հետո հանդերձարանում նույն Մարտինեսը մեկ րոպե լռություն հայտարարեց ֆրանսիացի հարձակվող Կիլիան Մբապեի համար, իսկ Բուենոս Այրեսում կայացած առաջնության շքերթի ժամանակ Մարտինեսը՝ Մբապեի պատկերով տիկնիկը ձեռքին էր տոնում հաղթանակը։
