Այսօր oragir.news կոչվող լրատվականում հերթական անհեթեթ նյութն էր հայտնվել, որում ասվում էր, թե ինչո՞ւ Ծառուկյանը Ծաղկաձորում ձյուն չի ապահովում, որ մյուս տնտեսվարողները կարողանան աշխատել, ինչու ներդրումներ չեն արվում և այլ նմանատիպ զրպարտանքներ և ապատեղեկատվություն:
Հասկանում եք սրանց հիվանդ մտածելակերպն ու ամեն ձևով (շանտաժ, կլյաուզիա) փող պոկելու մոլուցքն ուր է հասցրել: Թե բա արհեսատական ձյուն արտադրող ինչ-որ մեքենաներ կան, ինչի՞ Ծառուկյանը չի գնում ու տեղադրի Ծաղկաձորում: Այ քեզ բան, մնում էր ձեր նման տհասները ասեին, թե մարդիկ ոնց կազմակերպեն իրենց բիզնեսները: Ես հասկանում եմ, որ խնդիր եք դրել ձեր առաջ Ծառուկյանի անունը շահարկելով ինչ-որ բանի հասնեք, բայց արդեն տևական ժամանակ է ինչ փորձում եք, չեք հասկանում, որ չի ստացվում:
Կամ ոնց եք կարողանում այդքան սուտ գրել: Ինչպե՞ս թե, ոչ մի ներդրում չի արվել այսքան տարիների ընթացքում: Դուք կամ Ծաղկաձորում չեք եղել կամ կույր եք կամ էլ դիտմամբ եք սուտ գրում:
Ծաղկաձորում ձմեռային տուրիզմի այսչափ զարգացած ու ակտիվ լինելու գործում շատ մեծ գործոն է հանդիսանում Գագիկ Ծառուկյանի խոշորամասշտաբ ներդրումները: Խոսքը ենթակառուցվացքների, հյուրանոցային համալիրների, ձմեռային սպորտաձևերի համար գերազանց ու ապահով կազմակերպմանն ուղված քայլերի և այլնի մասին է: Ինչպե՞ս թե ոչինչ չի արվել, մարդիկ գնացել ու տեսել են, ըստ ձեր տկար մտածելակերպի ձեր մի անհեթեթ հոդվածով կարողանալու եք մարդկանց խաբե՞ք: Սա այդ դեպքը չէ, որովհետև կրկնում եմ մարդիկ ավելի շատ իրենց տեսածին են հավատալու քան ձեր՝ հոդվածի տեսքով վայրահաչությանը:
Ի դեպ մի շատ կարևոր հանգամանք անվտանգության բարձր մակարդակի մասին փաստող, դուք լրագրող լինելով հանդերձ չգիտեք, բայց ես կասեմ: Ամեն տարի, սեզոնի բացմանը զուգահեռ, թե ճոպանուղին, թե մնացած կառույցները, որոնք նախատեսված են տուրիզմի և սպորտի սիրահարների համար, հատուկ փորձաքննության են ենթարկվում՝ համապատասխան մարմինների կողմից: Այնպես որ, այս մասով էլ է ձեր գրածը սուտ:
Գների հետ կապված էլ պետք է արձագանքեմ, որ նորից սուտ եք գրել: Գրել եք թե 10000-11000 դրամ արժե ճոպանուղուց օգտվելը:
Լավ այսքան հիմարություն ո՞վ է կարողացել հորինել:
Ճոպանուղուց օգտվելը, տուրիստների ու մնացած քաղաքացիների համար արժե 3000 դրամ, սա բոլորը գիտեն, իսկ պրոֆեսիոնալ զբաղվողների համար, 10 մուտքը արժե 11000 դրամ, 30 մուտքը 13000 դրամ: Այսպիսի ճկուն գնային համակարգը ձեր նշած ԱՊՀ երկրներում չկա անգամ: Հա ի դեպ, եթե համեմատելու լինենք, ԱՊՀ երկրներում գործող ճոպանուղիների հետ, ապա Հայաստանինը բոլոր պարամետրերով լավագույնների շարքում է գտնվում, ինչի ե՞ք փորձում անտեղի սևացնել:
Հա միգուցե, որոշակի թանկացում այնուամենայնիվ եղել, չնչին գումարի մասին է խոսքը, բայց հաշվի առնելով միջազգային թանկացումները, հաշվի առնելով հարկային նոր մշակված օրինագծերը, դրանք միանգամայն օբյեկտիվ են:
Երևի թե մի չնչին բարոյականություն կունենան oragir.news կայքի պատասխանատուներն ու կհեռացնեն այդ ապուշ հոդվածը, որում գոնե մեկ նախադասաություն չկա, որում սուտ ու ապատեղեկատվություն չլինի:
Հ.Գ. Եթե ձյուն չլինելու հետ կապված դժգոհություններ ունեք ծալապակասներ, երկնային ուժերին դիմեք, միգուցե լսեն ձեր թախանձագին աղաչանք-պաղատանքներն ու ձյուն գա վերջապես:
Խաչիկ Ասատրյանի ֆեյսբուքյան էջից
