Ադրբեջանական սեպտեմբերյան ագրեսիայի ժամանակ հայկական զինված ուժերի գործողություններին առնչվող քրեական գործերով 11 մեղադրյալ կա։ Այս մասին Հայաստանի հանրային հեռուստաընկերությանը տված հարցազրույցում ասել է ՔԿ նախագահ Արգիշտի Քյարամյանը՝ նշելով, որ նրանց մեծ մասը կալանավորված են։
Արգիշտի Քյարամյանը տեղեկացրել է, որ գործերից 4-ն արդեն ուղարկվել են դատարան։ Մեղադրյաները միջին օղակի սպաներ եւ զինծառայողներ են։
«Ըստ ուղղությունների ենք քննությունն իրականացնում, բաժանումն ըստ մարզերի է` Գեղարքունիքի, Սյունիքի եւ Վայոց Ձորի ուղղություններ»,– նշել է Քյարամյանը։
ՔԿ նախագահի խոսքով՝ 17 վարույթ է նախաձեռնվել, որոնց մեծ մասը հետագայում միավորվել են մեկ վարույթում։
Արգիշտի Քյարամյանը տեղեկացրել է նաեւ, որ ադրբեջանական ագրեսիային առնչվող 22 վարույթ է նախաձեռնվել, որոնք հետագայում միացվել են մեկ վարույթում։ Մեղադրյալներ չկան։
Սեպտեմբերյան ադրբեջանական ագրեսիայի հետեւանքով հայկական կողմից կա շուրջ 600 տուժած անձ։
