Արգենտինայում ֆուտբոլի երկրպագուն գողացել է մարդկանցով լի ավտոբուսը՝ ֆուտբոլի աշխարհի առաջնության խաղին հասցնելու համար, գրում է Oddity Central-ը։ Տղամարդու խոսքով՝ ինքն անհանգստանում էր, որ բաց կթողնի հեռարձակման մեկնարկը։
Միջադեպը տեղի է ունեցել Բուենոս Այրեսի կենտրոնում։ 53-ամյա տղամարդը նստել է ավտոբուս և հասկացել, որ կարող է ժամանակին չհասնել խաղի մեկնարկին, քանի որ հասարակական տրանսպորտը շատ դանդաղ էր շարժվում: Այսպիսով, երբ ավտոբուսը կանգ է առել կարմիր լույսի տակ, և վարորդը դուրս է եկել մոտակա կրպակից ինչ-որ բան գնելու, առևանգողը նստել է ղեկին և քշել դեպի իր տուն:
Արգենտինացին ավտոբուսով անցել է մոտ ութ մղոն, հետո այն ուղևորների հետ թողել և շարունակել ոտքով: Ոստիկանության աշխատակիցներն արագ բերման են ենթարկել երկրպագուին և տարել բաժին։ Նրան մեղադրանք է առաջադրվել հասարակական տրանսպորտի գողության համար։
