Այսօր` դեկտեմբերի 10-ին, արտակարգ դեպք է տեղի ունեցել Շիրակի մարզում։ ժամը 12։00-ի սահմաններում արտակարգ իրավիճակների նախարարության փրկարար ծառայության ճգնաժամային կառավարման կենտրոն ահազանգ է ստացվել, որ Գյումրի քաղաքի Շիրազի փողոցի թիվ 5/7 հասցեում գործող «Ֆլորենս» ռեստորանային համալիրի տանիքում ծուխ է նկատվում և հնարավոր է՝ կրակի բռնկումով։
Ինչպես հայտնում է Shamshyan.com-ը դեպքի վայր են ժամանել Գյումրու թիվ 48 հրշեջ փրկարարական ջոկատից 2 մարտական հաշվարկ։
Պարզվել է, որ հրդեհը բռնկվել է ռեստորանի օդափոխման համակարգում։ Ըստ նախնական տեղեկությունների, բարեբախտաբար, տուժածներ չկան։
