Հայաստանի վարչապետ Նիկոլ Փաշինյանի հետ Բրյուսելում նախատեսված հանդիպումը չի կայանա, այս մասին այսօր հայտարարել է Իլհամ Ալիևը:
«Հանդիպումը պետք է կայանար դեկտեմբերի 7-ին։ Բայց երեկ Հիքմեթ Հաջիևն ինձ տեղեկացրեց, որ իր հետ կապվել են Շառլ Միշելի գրասենյակից և հայտնել, որ Նիկոլ Փաշինյանը համաձայնել է հանդիպմանը միայն այն դեպքում, եթե դրան մասնակցի Ֆրանսիայի նախագահ Մակրոնը։ Սա նշանակում է, որ այդ հանդիպումը չի կայանա»,- ասել է Ալիևը:
Ինչո՞ւ է, որպես կանոն, նախապայմաններից խուսափող Փաշինյանը նման պնդում արել, արդյո՞ք Մակրոնի ներկայությունն ինչ-որ էական բան էր փոխելու, թե՞ Մակրոնի գործոնն ընդամենը պատրվակ է ու պաշտոնական Երևանը որոշել է այլևս ապավինել միայն ռուսական միջնորդությանը: Թե՞ նախապես նախատեսված է եղել նաև Մակրոնի մասնակցությունը և Ալիևն է վիժեցրել բանակցությունները՝ հրաժարվելով Ֆրանսիային տեսնել որպես միջնորդ:
Արդյո՞ք Երևանում չկա մտավախություն, որ Բաքուն բանակցություններից չեղարկումը օգտագործելու է որպես պատրվակ՝ Հայաստանին ապակառուցողական ներկայացնելու և նոր էսկալացիա սանձազերծելու համար:
Քաղաքագետ Սուրեն Սուրենյանց
