Հայաստանի Եվրոպական կուսակցության ղեկավար Տիգրան Խզմալյանին բերման են ենթարկել։ Այս մասին պարզ է դառնում նրա ֆեյսբուքյան էջում հրապարակված լուսանկարներից, որոնցից մեկում ոստիկան է երևում։
Միաժամանակ ոստիկանության լրատվական բաժնից Sputnik Արմենիային հայտնեցին, որ Պարոնյան փողոցից 4 անձ է բերման ենթարկվել։
Նրանց ոստիկանության բաժանմունք են տարել Վարչական օրենսգրքի 182-րդ հոդվածի հիման վրա` ոստիկանության ծառայողի օրինական պահանջը չկատարելու հիմքով։
Նշենք, որ Խզմալյանն ու իր կողմնակիցները նախատեսում էին բողոքի ակցիա իրականացնել ընդդեմ Երևանում ընթացող ՀԱՊԿ համատեղ նիստի և ՌԴ նախագահ Վլադիմիր Պուտինի այցի։
