Վարշավայի արձագանքը Լեհաստանում տեղի ունեցած հրթիռային միջադեպին կարող էր ավելի պրոֆեսիոնալ լինել, հատկապես երբ խոսքը նման զգայուն թեմայի մասին էր, հայտարարել է ՌԴ նախագահի մամուլի խոսնակ Դմիտրի Պեսկովը։
«Հավանաբար, պետք է հարցեր տանք Վարշավային. ի վերջո, խնդրեք լեհ պաշտոնյաներին լինել ավելի զուսպ, ավելի հավասարակշռված և պրոֆեսիոնալ այն պահերին, երբ նրանք խոսում են նման զգայուն և պոտենցիալ վտանգավոր թեմաների մասին», — ասել է Պեսկովը, պատասխանելով լրագրողի այն հարցին, թե որն է պատճառը, որ Լեհաստանն անմիջապես չի հայտնել C-300 հրթիռի մասին, թեև ուներ նման հնարավորություն։
Պեսկովի խոսքով` հրթիռների հետ կապված միջադեպին Լեհաստանի արձագանքը հերթական անզուսպ ռուսաֆոբիան էր, որը հիմնված չէր իրական տվյալների վրա։
Կրեմլը կցանկանար նույն զգացմունքային արձագանքը լսել «Հյուսիսային հոսքի» վրա հարձակումների վերաբերյալ։
Լեհական ԶԼՄ-ները նոյեմբերի 15-ին հայտնել են, որ Լեհաստանի տարածքում հրթիռների ընկնելու հետևանքով երկու մարդ Է զոհվել: Հանրապետության արտաքին գործերի նախարարությունը հայտարարել է, որ Լեհաստանում ընկած հրթիռները ռուսական արտադրության են։ Լեհաստանի նախագահ Անջեյ Դուդան նշել է, որ Վարշավան ստույգ տեղեկություն չունի, թե դրանք ում հրթիռներն են։ ԱՄՆ նախագահ Ջո Բայդենը հայտարարել է, որ նախնական տեղեկատվությունը խոսում է ռուսական հրթիռների մասին վարկածի դեմ։
ՌԴ ՊՆ-ի տվյալներով՝ Պշևոդուվում տեղի ունեցած միջադեպի վայրից արված լուսանկարները վկայում են, որ այնտեղ ընկել են ուկրաինական հակաօդային պաշտպանության C-300 համակարգի հրթիռի բեկորները:
