Ուկրաինա ռուսական լայնամասշտաբ ներխուժման իններորդ ամսում արդեն պարզ է, որ Ուկրաինայում պատերազմն ընդամենը նախավարժանք է։ WSJ-ի փոխանցմամբ՝ այս հայտարարությունն արել է ԱՄՆ ռազմավարական հրամանատարության ղեկավար Չարլզ Ռիչարդը, ով համոզված է, որ մեծ ճգնաժամ է մոտենում։ «Շատ ժամանակ չի անցնի, եւ մենք ստիպված կլինենք անցնել ամրության փորձություն», ասաց Ռիչարդը:
Ինչպես ասվում է հրապարակման մեջ, Ռուսաստանի ներխուժումն Ուկրաինա ցույց տվեց, որ ԱՄՆ-ի ռազմական զսպման ուժը նվազում է, եւ այս փաստը շատ քչերն են պատրաստ հրապարակայնորեն ընդունել:
«Երբ ես գնահատում եմ Չինաստանի դեմ մեր զսպման մակարդակը, նավը կամաց-կամաց խորտակվում է: Այն դանդաղ է խորտակվում, բայց խորտակվում է, քանի որ իրականում նրանք իրենց հնարավորությունները դաշտ են ներդնում ավելի արագ, քան մենք», ասել է նա։
Ծովակալ Ռիչարդը նշել է, որ Ամերիկան պահպանում է սուզանավերի առավելությունը՝ «գուցե միակ իրական ասիմետրիկ առավելությունը, որը մենք դեռ ունենք», բայց նույնիսկ դա կարող է վերանալ, եթե Ամերիկան չբարձրացնի տեմպերը՝ «սպասարկման խնդիրները լուծելով և նոր շինարարություն սկսելով»:
Անցյալ տարվա լուրերն այն մասին, որ Չինաստանը հիպերձայնային հրթիռ է փորձարկել, որը պտտվել է աշխարհով մեկ և վայրէջք կատարել տանը, պետք է ավելի շատ տագնապ առաջացներ, քան եղավ: Սա նշանակում է, որ Չինաստանը կարող է վտանգի ենթարկել ԱՄՆ-ի ցանկացած քաղաք կամ հաստատություն և, հնարավոր է, աննկատ մնալ: Իրավիճակն ավելի է վատացնում այն փաստը, որ թեստը զարմացրեց ԱՄՆ-ին և գերազանցեց Ամերիկայի հիպերձայնային հնարավորությունները:
«Նախկինում մենք կարող էինք արագ շարժվել, բայց հիմա կորցրել ենք այս արվեստը», – ավելացրել է ծովակալը: Քանի դեռ Չինաստանը չի ներխուժել Թայվան կամ ձեռնարկել որևէ այլ գործողություն, որը վնասում է ԱՄՆ-ի կամ դաշնակիցների շահերին, ԱՄՆ-ն ոչինչ չի կարող անել դրա դեմ, ասվում է հրապարակման մեջ:
