Լրագրող Դավիթ Գալստյանը ֆեյսբուքյան իր էջում գրում է. «Ո՛չ ջուր, ո՛չ հող ու ադրբեջանական ԶՈՒ/ՊՍԾ տեսադաշտում. Ներքին Հանդ
Նկարում Ադրբեջանի դիրքերն են գյուղից արևելք/հարավ-արևելք սեպտեմբերի 14-ի կռիվներից հետո։ Մի քանի հարյուր մետրի վրա են տներից։
Գրոհել են նաև նախկինում ՀՀ տարածքում (2021 թ․ մարտից) տեղակայված բարենպաստ/գերիշխող դիրքերից:
Էս մասից գյուղը չի երևում, բայց գնում ա Սոսու պուրակի լայնությամբ։
Ջրի աղբյուրը Ադրբեջանի վերահկողության տակ ա (կտրել են ջուրը), մշակման հող ու արոտավայր չի մնացել։
Սեպտեմբերի 14-ից հետո անասունի մի մասը պայթել ա ականների վրա, մի մասը անցել ա «էն կողմ», մի մասը մորթել/ծախել են (մնացել ա մի քանի կենդանի, էն էլ գոմից բան չեն թողում):
Գյուղում մնացել ա տղամարդկանց մի մասը՝ գիշերը հերթապահում են։ Մի կին էրեխու հետ տեսա, ասեցին, որ մի պահ են էկել ու էլի գնում են»։
