Ազատ ոճային ըմբիշ, 61 կգ քաշային Արսեն Հարությունյանը Իսպանիայում ընթացող Մ23 տարեկանների աշխարհի առաջնությունում ոսկե մեդալ է նվաճել՝ եզրափակչում 7։5 հաշվով առավելության հասնելով Ղրղզստանի ներկայացուցիչ Թայիրբեկ Ժումաշբեկի նկատմամբ։
Ի դեպ, Արսեն Հարությունյանը երկրորդ անգամ է հռչակվում աշխարհի մինչև 23 տարեկանների չեմպիոն: Նախորդ անգամ աշխարհի երիտասարդների չեմպիոնի կոչումն Արսենը նվաճել էր 2021 թվականին Բելգրադում։
Իսկ այս տարի հայ ըմբիշը պայքարը սկսել էր որակավորման փուլից, որտեղ 10:0 հաշվով հաղթանակ էր տարել եգիպտոսցի ըմբիշի նկատմամբ, 1/8 եզրափակիչում 11:0 հաշվով փայլուն հաղթանակ է տարել Պուերտո Ռիկայի ներկայացուցիչ Ժոզեֆ Անդրես Սիլվայի նկատմամբ, քառորդ եզրափակիչում 9:3 հաշվո հաղթել էր լ ղազախ Ասիլ Այտակինին, իսկ կիսաեզրափակիչում 13:4 հաշվով առավելության էր հասլ Վրաստանի ներկայացուցիչ Ռամազ Տուրմանիձեի նկատմամբ:
