Ստորև ներկայացված թվիթը և դրա արձագանքները վկայում են, որ ոչ ոք չի կարող մեղադրել Հայաստանին՝ իր պարտավորություններից խուսափելու համար։ Այս մասին Twitter-ի իր միկրոբոլոգում գրել է ՀՀ վարչապետ Նիկոլ Փաշինյանը:
«Կրկնում եմ, որ մենք պատրաստ ենք բացել 3 անցակետեր՝ կատարելու մեր պարտավորությունները և աշխատել տարածաշրջանի համապարփակ ապաշրջափակումից բխող հնարավորություններն օգտագործելու ուղղությամբ», — գրել է նա:
Հիշեցնենք, որ ավելի վաղ Փաշինյանը գրել էր, որ «Արևելյան Ադրբեջանի և Նախիջևանի միջև կապն ապահովելու նպատակով հայ-ադրբեջանական սահմանին 3 անցակետ բացելու մասին ՀՀ կառավարության որոշման նախագիծը մի քանի ամիս պաշտոնապես շրջանառվում է։ Հայաստանի կառավարությունը սպասում է Ադրբեջանի դրական արձագանքին»:
