Կարեն Վրթանեսյանը ֆեյսբուքյան իր էջում գրում է․
Եթե (!) պայթուցիկով բարձած բեռնատարն իսկապես անարգել մտել է Հայաստան ու հետո անարգել էլ դուրս է եկել երկրից, նշանակում է, որ Հայաստանի ներսում գործում է ուկրաինական կամ ուկրաինացիներին դաշնակից որևէ երկրի հետախուզական ցանց։
Նախ՝ որովհետև դժվար թե նման բեռը մտցնեին Հայաստան առանց ամբողջ ճանապարհին աննկատ ուղեկցության, թողնելով բեռը միայն ամենից բեխաբար (կամ նույնիսկ ոչ բեխաբար) վարորդի հույսին։ [«Ադամանդե ձեռքը» կատակերգությունը չի, էլի]։
Երկրորդը՝ որովհետև դժվար թե հենց այնպես թողնեին Հայաստանի մաքսայինով անցնելու, այսինքն կա հավանականություն, որ այդ անցկացնելն էլ է կազմակերպվել ուկրաինացիների կամ իրենց որոշ դաշնակիցների կողմից։
Ամեն դեպքում, Հայաստանում անմիջապես պիտի քննություն սկսվի՝ մաքսայինով, կասկածելի ելումուտ արածներով, նրանց հետ շփումներ ունեցողներով և այլն, և այլն։
Կրկնում եմ, ԵԹԵ իսկապես Հայաստանով անցնելիս պայթուցիկն արդեն դրած է եղել։
Որովհետև նույն կերպ էլ վաղը ադրբեջանցիները կարող են փորձել Բուլղարիայից կամ որևէ այլ երկրից այդպիսի մի զահրումար մտցնել Հայաստան և պայթեցնել արդեն մեր մոտ։
Հիշեցնենք որ , ՌԴ ՔԿ ղեկավար Ալեքսանդր Բաստրիկինը Պուտինին զեկուցել է Ղրիմի կամրջի վրա ահաբեկչության նախաքննության ընթացքի մասին։
Նա հայտարարել է, որ հաջողվել է պարզել Ղրիմի կամրջի ահաբեկչությունը նախապատրաստած կասկածյալների շրջանակը:
«Մեր կողմից արդեն պարզվել է բեռնատարի երթուղին, որտեղ տեղի է ունեցել պայթյունը. այն է՝ Բուլղարիա, Վրաստան, Հայաստան, Հյուսիսային Օսիա, Կրասնոդարի երկրամաս։
