Սևաստոպոլում ինքնաթիռը դուրս է եկել թռիչքուղուց և բռնկվել

Սևաստոպոլում՝ «Բելբեկ» օդանավակայանում, ինքնաթիռը դուրս է եկել թռիչքուղուց և բռնկվել։ Տեղեկությունը հայտնում է ՌԻԱ Նովոստին` հղում անելով քաղաքապետ Միխայիլ Ռազվոժաևին։

«Փրկարարների տվյալով՝ ինքնաթիռը վայրէջքի ժամանակ դուրս է եկել թռիչքուղուց և բռնկվել։ Այժմ տեղում աշխատում են հրշեջները։ Խնդրում ենք հանգստություն պահպանել»,- գրել է նա Telegram-ի իր ալիքում։

Ավելի ուշ նա ավելացրել է, որ հրդեհը հաջողվել է արագ մարել, օդանավակայանը չի տուժել։