Երեկ՝ սեպտեմբերի 28-ի երեկոյան, Ջերմուկի բարձունքներում, թշնամու կողմից հրադադարի խախտման արդյունքում զոհված երեք զինծառայողներից մեկը Զինված ուժերի սպա, փոխգնդապետ Նահապետ Մարգարյանն է եղել։ N զորամասի գումարտակի հրամանատար էր Նահապետը ։ 32-ամյա Նահապետն ամուսնացած էր, ուներ երկու երեխա։
Թշնամու արձակած կրակոցից զոհված հրամանատարը մահացու վիրավորում ստացել է գլխի շրջանում։ Վաղը` սեպտեմբերի 30-ին, հրամանատարի հոգեհանգստի կարգը կմատուցվի։
32–ամյա Նահապետը Վայոց Ձորի մարզի Թառաթումբ բնակավայրից էր։ Նա սովորել էր Վազգեն Սարգսյանի անվան ռազմական համալսարանը եւ ծառայության անցել Հայաստանի Զինված ուժերում։ Նահապետը 44–օրյա պատերազմի մասնակից էր։
Նշենք, որ Պաշտպանության նախարարությունը շարունակում էր չհրապարակել զոհերի ու վիրավորների անունները։Երեկ զոհված զինծառայողների տվյալները եւս չեն հրապարակվել։
