Ոստիկանության Նոր Նորքի բաժնում նյութեր են նախապատրաստվում Երևանի նախկին քաղաքապետ Հայկ Մարությանի պաշտոնավարման ընթացքում տեղի ունեցած մի դեպքի փաստով։ Այս մասին հայտնում է Shamsyan.com-ը՝ հղում անելով իր աղբյուրներին։
Armenia Today-ին ՀՀ ոստիկանության հասարակայնության հետ կապի և լրատվության վարչությունից հայտնեցին, որ Ոստիկանությունում Հայկ Մարությանի նկատմամբ նյութեր չեն նախապատրաստվում։ Փորձեցինք մանրամասներ ճշտել ՀՀ քննչական կոմիտեից։
ՔԿ խոսնակ Վարդան Թադևոսյանը նշեց, որ գործը ՔԿ-ում չէ, այլ գտնվում է Հակակոռուպցիոն կոմիտեում։ Հակակոռուպցիոն կոմիտեից մեզ դեռ մանրամասներ ճշտել չհաջողվեց։
Հիշեցնենք, որ ավելի վաղ Հայկ Մարությանը հայտարարել էր, որ վերադառնում է բեմ։ Նա հրապարկել էր մոնո-ներկայացման անոնսը, որը բուռն արձագանքների էր արժանացել: Առաջիկայում նախատեսված ներկայացումների տոմսերը մի քանի ժամում սպառվել էին:
