Ուկրաինայի զինված ուժերը հարձակման են անցել Խարկովի ճակատում։ Երեքշաբթի առավոտյան նրանք հանկարծակի ուժեղ հարված են հասցրել Բալակլիայի ուղղությամբ ռուսական զորքերի այսպես կոչված «Իզյում» խմբավորմանը։ Տեղեկությունների համաձայն, ռուսական ուժերը, որոնք հիմնականում կազմված են Դոնբասի մոբիլիզացված բնակիչներից, հապճեպ քաշվում են Սեվերսկի Դոնեց գետի մյուս կողմ, գրում է BBC-ն։
Ռուսամետ տելեգրամ ալիքները լի են տագնապալի գրառումներով. ըստ նրանց՝ ուկրաինական բանակը գրավել է Բալակլեյի մոտ գտնվող Վերբովկա գյուղը, որտեղ տեղակայված է ռուսական խոշոր զինանոցը։ Այլ աղբյուրներ հայտնում են, որ ուկրաինական զորքերն արդեն օկուպացրել են հենց Բալակլիան։
Բալակլեան գտնվում է Իզյումից հյուսիս-արևմուտք, և դրանով են անցնում ռուսական բանակի խոշոր խմբավորման մատակարարման հիմնական հոսքերը։
Եթե Ուկրաինայի զինված ուժերի կողմից Բալակլեյի գրավման մասին լուրերը հաստատվեն, դա լրջորեն կբարդացնի ռուսական զորքերի դիրքերը. նրանք կհայտնվեն շրջափակման մեջ:
Օրվա ընթացքում ուկրաինական զորքերն առաջ են շարժվել նաեւ այլ ուղղություններով, այդ թվում Լուգանսկի շրջանում։ Շարունակվում է ռուսների հրամանատարական կետերի, զինանոցների ու մատակարարման ուղիների ոչնչացման մարտավարությունը, ինչն ազդում է ռուսական զորքի մարտունակության վրա։
lragir.am
