Արյունալի միջադեպ է տեղի ունեցել Վեդիում։ Այս մասին հայտնում է yerevan.today-ը:
Չորս երիտասարդ դանակահարել են իրար, ընդ որում՝ բոլոր չորս տուժածներն էլ երկու ընտանիքի զավակներ են։
Նախնական տեղեկություններով, երեկոյան եղբայրներով հանդիպել են, որ դեռ անցած տարվանից ընտանիքների միջև հողակտորի՝ տարածքային վեճի շուրջ նորից բանակցեն, բայց երկխոսությունը վերաճել է վեճի ու իրար դանակահարել են, ապա նրանցից մեկը նստել է մեքենան ու քշել արնաշաղախ գետնին ընկած երիտասարդների վրա, նրանցից մեկի ոտքերն ամբողջովին ջարդ ու փշուր արել։
Տարածված տեղեկությունների համաձայն, չորսի վիճակն էլ ծանր է․ նրանցից երեքին անմիջապես տեղափոխել են Երևան, իսկ մեկին ծայրահեղ ծանր վիճակի պատճառով չեն կարողացել տեղափոխել։ Այս պահին Վեդու հիվանդանոցում ջանում են կյանքը փրկել։
