Ռուս խաղաղապահները ոչ մի սանտիմետր չեն տեղաշարժվի Լաչինի գործող միջանցքից, քանի դեռ նոր ճանապարհը չի շահագործվել։ Այդ մասին օգոստոսի 17-ին «Ազատության» հետ զրույցում հայտարարել է Երևանում Ռուսաստանի դեսպանության խորհրդական-դեսպանորդ Մաքսիմ Սելեզնյովը։
Վերջինս շեշտել է, որ կողմերն ուղիղ կապի մեջ են ու կան պայմանավորվածություններ՝ առանց մանրամասնելու թե ինչ պայմանավորվածություններ են ու որ կողմերի մասին է խոսքը։
«Ռուսաստանի խաղաղապահները կվերատեղաբաշխվեն միայն այն պահին, երբ Լաչինի նոր միջանցքը բացվի», — նշել է Սելեզնյովը՝ հավելելով, որ եռակողմ հայտարարությունում նշված են բոլոր քայլերը։
Նա շեշտել է, որ համաձայն հայտարարության կետերի նախ մեկնարկվելու է նոր միջանցքի կառուցվում ու այդ ժամանակահատվածում ռուս խաղաղապահները զբաղեցնելու են 5 կիլոմետրանոց ներկայիս միջանցքը։
Սելեզնյովը վստահեցրել է, որ մինչև նոր ճանապարհի շահագործումը ռուս խաղաղապահները նոր միջանցքը չեն զբաղեցնելու և ոչ մի սանտիմետր չեն տեղափոխվելու։
Տեղեկացնենք, որ Մաքսիմ Սելեզնյովը ևս այսօր ներկա էր ռուս-պարսկական պատերազմի ժամանակ Օշականի ճակատամարտում զոհված ռուս զինվորների և հայ կամավորների հիշատակը 195-ամյակի նվիրված միջոցառմանը։
