Բոլորս այլևս չենք զարմանում, որ Հայաստանի շահերի համար պայքար տվող, Հայոց Ցեղասպանության ճանաչման համար պայքար տվող, Սփյուռքում իրապես հեղինակություն վայելող ու պարզապես ՀՅԴ անդամներ օրվա իշխանությունների համար անցանկալի են: Չենք զարմանում, որ արդեն բռնապետական հերթական մեթոդն է կիրառվում ապօրինաբար մուտքը Հայաստան արգելելով:
Պարզապես մեկ վարժություն անենք. Սփյուռքից, ՀՀ-ում չբնակվող Սերժ Թանկյան ու Արսինե Խանջյան` քննադատում էին, ակցիաներ էին անում նախկին իշխանությունների դեմ, աջակցում էին ՊՊԾ գնդի գործով մասնակիցներին և մի շարք այլ դեպքեր, բայց իրենց երբեք չեն արգելել մուտքը Հայաստան:
Սփյուռքից, Եվրոպական երկրների քաղաքացիներ Մուրադ Փափազյան, Սյունե Աբրահամյան և Մասիս Աբրահամյան` քննադատել են օրվա իշխանություններին, պայքարել ու պայքարում են թուրքիային, ադրբեջանին միջազգային պատասխանատվութան ենթարկելու համար, ու իրենց մուտքը Հայաստան արգելվում է: Ժողովրդավարության ոչնչացումը հենց այսպես է լինում..
Արամ Վարդևանյան
