«Հայկական ավիաշուկա ենք եկել երկարաժամկետ գործունեություն ծավալելու համար, և պնդում եմ, որ մեր ավիատոմսերը շուկայում ամենահասանելին են», -այսօր կայացած ասուլիսում այս մասին ասաց «FlyOne Armenia» ավիաընկերության խորհրդի նախագահ Արամ Անանյանը՝ խոսելով այս օրերին ամենաշատ քննարկվող չվերթների չեղարկումների դեպքերի, ինչպես նաև ավիաընկերության առաջիկա ծրագրերի մասին։
«FlyOne Armenia» ավիաընկերությունը մտադրություն ունի թռիչքների աշխարհագրությունն ընդլայնել․ «Օրական մինչև 2000 ուղևոր ենք տեղափոխում, այս պահին 3 օդանավ ունենք։ Հուսով եմ` դեպի Թեհրան թռիչքներ կիրականացնենք, ինչպես նաև ՌԴ այլ քաղաքները կկապենք Երևանի հետ»,- ասաց Անանյանը։
Մանրամասները՝ տեսանյութում․
