Ռուսաստանն իր դեսպանին ուղարկեց օկուպացված Շուշի

Ադրբեջանում Ռուսաստանի դեսպան Միխայիլ Բոչարնիկովն այցելել է Ադրբեջանի կողմց օկուպացված հայկական Շուշի, հայտնում է ԱՊԱ գործակալությունը։

Բոչարնիկովին ուղեկցել են Շուշիում Ադրբեջանի նախագահի հատուկ ներկայացուցիչ Այդին Քերիմովը և Ռուսաստանում Ադրբեջանի դեսպան Փոլադ Բյուլբյուլօղլուն։

Հիշեցնենք, որ 2021-ի հուլիսի 9-10-ը Ադրբեջանում հավատարմագրված 46 դեսպաններ այցելել էին Շուշի, սակայն նրանց թվում չէին եղել Լեռնային Ղարաբաղի հիմնախնդրի կարգավորմամբ զբաղվող ԵԱՀԿ Մինսկի խմբի համանախագահ երկրների՝ Միացյալ Նահանգների, Ֆրանսիայի և Ռուսաստանի դեսպանները։