«Բարսելոնան» մտադիր է թիմում պահել կիսապաշտպան Սերխի Ռոբերտոյին մինչև նրա կարիերայի ավարտը, ինչի պատճառով 25-ամյա ֆուտբոլիստին ցմահ պայմանագիր է առաջարկել, հայտնում է «AS»-ը:
Ի պատասխան` Ռոբերտոյի գործակալը ներկայացրել է իր առաջարկը, որը կատալոնական ակումբն ուսումնասիրում է.
«Տարաձայնություններ կան ակումբի և ֆուտբոլիստի ցանկությունների միջև, բայց ամեն ինչ լուծելի է: Հույս ունենք, որ առաջիկա շաբաթների ընթացքում պայմանագիրը կերկարաձգվի»,- հայտնել է կապտա-նռնագույններին մոտ կանգնած աղբյուրը:
Հիշեցնենք` Սերխի Ռոբերտոն 2011 թվականից է հանդես գալիս «Բարսելոնայի» հիմնական թիմում: Նրա գործող պայմանագիրը կատալոնական ակումբի հետ նախատեսված է մինչև 2019 թվականի հունիսը:
