Լույս երկուշաբթի գիշերը լրացավ Ռուսաստանի կողմից արտաքին պարտքի մոտ 100 միլիոն դոլարի վճարման արտոնյալ ժամկետը, և այդ վերջնաժամկետը պաշտոնապես համարվում է դեֆոլտ, հաղորդել է Bloomberg-ը:
Գործակալությունը նշում է, որ այս դեֆոլտը «արևմտյան կոշտ պատժամիջոցների գագաթնակետն էր, որոնք փակել են օտարերկրյա վարկատուներին վճարումների ուղիները», և տեղի ունեցավ առաջին անգամ 1918 թվականից ի վեր։
Գործակալության տվյալներով՝ «սա երկրի տնտեսական, ֆինանսական և քաղաքական վտարյալի (изгой) արագ վերափոխման մռայլ նշան է», քանի որ ՌԴ կենտրոնական բանկի արժութային պահուստները սառեցված են, իսկ խոշորագույն բանկերը կտրված են համաշխարհային ֆինանսական համակարգից։
Bloomberg-ը, սակայն, ընդգծում է, որ դեֆոլտը մինչ այժմ հիմնականում խորհրդանշական է և քիչ նշանակություն ունի ռուսների համար։ ՌԴ ֆինանսների նախարարը, գրում է գործակալությունը, ֆարս է անվանել այս դեպքում «դեֆոլտ» տերմինի օգտագործումը։
Ռուսաստանն ասում է, որ ունի միջոցներ ցանկացած հաշիվներ ծածկելու համար: Անցյալ շաբաթ Մոսկվան հայտարարեց, որ կանցնի իր չմարված սուվերեն պարտքը (40 միլիարդ դոլար) ռուբլով սպասարկելուն, քանի որ Արևմուտքն արհեստականորեն ստեղծեց արտարժույթի ներկայիս իրավիճակը:
Ռուսաստանի ֆինանսների նախարարությունը հայտարարել է, որ իր պարտավորությունները կատարել է ամբողջությամբ, քանի որ եվրոպարտատոմսերի վճարող գործակալը ստացել է 12,51 մլրդ ռուբլի։
Ֆինանսների նախարարությունն անցնում է եվրապարտատոմսերով վճարումների նոր ընթացակարգին, որը սահմանվել է Ռուսաստանի նախագահի հունիսի 22-ի հրամանագրով։
