«Ես անելիք չունեմ մի խորհրդարանում, որտեղ ծափահարում են մի մարդու, ով ասում է որ 44-օրյա պատերազմի ընթացքում հազարավոր զոհեր կարող էին չլինեին, բայց եղան, որովհետև ինքը տենց էր որոշել»,- «Հրապարակին» տված հարցազրույցում ասաց «Հայրենիք» կուսակցության նախագահ Արթուր Վանեցյանը։
«Դիմադրություն» շարժումը չի ձախողել, ես ոչ մի դեպքում այդ բառը չեմ կարող օգտագործել, որովհետև շարժումը իրոք ունի արդյունքներ, ուղղակի, հավատացեք, մի քիչ պետք են նյարդեր։ Կամք ու ժամանակ է հարկավոր։ Այո, ես ասել եմ, որ մի քանի օրվա հարց է հեռացումը, բայց եթե ուշադրություն դարձնեք այդ տեսանյութին, որտեղ ես դա ասում եմ, կտեսնեք, որ մի փոքր հումորով եմ դա ասում, պետք չէ դա այդպես ուղիղ հասկանալ»,- նշել է Վանեցյանը:
