Այսօրվա ձայնագրությունը և երեկվա արյունալի դեպքը փաստում են քաղաքական իրողություն. ֆեյսբուքյան իր էջում գրում է Նոր Ժամանակներ կուսակցության ղեկավար Արամ Կարապետյանը․
2018 թվականին ոչ մի հեղափոխություն էլ չի եղել.իրավիճակը ոնց կար, այնպես էլ մնացել ու սաստկացել է: Նույն բարքերը, նույն լեքսիկոնը, նույն իշխանամերձ գործիչների հարստանալը, նույն օլիգարխիկ համակարգի տրամաբանությունը, նույն արյունալի վիճաբանությունները, պետական կառույցների բնաջնջումը և արատավորումը …որոշ դեպքերում՝ այլ դեմքերով, բայց նույն ապիկարությամբ ու տգիտությամբ, հարստանալու անհագ մոլուցքով: Ասում էին ՝ թողեք թող աշխատեն, մի խանգարեք…դե վայելեք այս գժանոցը և համընդհանուր բարդակը…
