Ռուսաստանի նախագահ Վլադիմիր Պուտինը խոսել է իր տոհմածառի մասին, որը կապված է Ռուսաստանի ճակատագրի հետ։ Այսօր՝ հունիսի 12-ին, «Աշխատանքի հերոսի» պետական պարգևների ու շքանշանների հանձնման արարողության ժամանակ, երկրի ղեկավարն ուշադրություն է հրավիրել աշխատանքի հերոսի կոչմանն արժանացած ռեժիսոր Նիկիտա Միխալկովի խոսքերին։ Այս մասին հայտնում է «ՏԱՍՍ» լրատվական գործակալությունը:
«Նիկիտա Սերգեևիչ Միխալկովը մի զարմանալի բան է պատմել, մի զարմանալի պատմություն ժամանակների, սերունդների կապի մասին՝ նրա նախնին Ռոմանովներից առաջինի կնիքի պահապանն է եղել: Մոտավորապես միևնույն ժամանակ եկեղեցական արձանագրություններով փաստագրված, իմ նախնիները եղել են հասարակ գյուղացիներ, իսկ հետո՝ հասարակ աշխատողներ: Ինձ համար մեծ պատիվ է ներկա լինել այսօրվա արարողությանը»,- ասել է Ռուսաստանի ղեկավարը։
