Հայտնի է սահմանազատման հարցերով հայաստանյան հանձնաժողովի կազմը. Փաշինյանը ստորագրել է որոշումը

Վարչապետ Նիկոլ Փաշինյանը որոշում է ստորագրել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողով ստեղծելու մասին։

«Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասը՝

1. Ստեղծել Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողով:

2. Հաստատել հանձնաժողովի անհատական կազմը՝ համաձայն հավելվածի»,– ասվում է որոշման մեջ:

Հանձնաժողովի անհատական կազմը հետևյալն է՝

Մ. Գրիգորյան — ՀՀ փոխվարչապետ (հանձնաժողովի նախագահ)

Մ. Սաֆարյան — ՀՀ արտաքին գործերի նախարարի տեղակալ

Ա. Սարգսյան — ՀՀ պաշտպանության նախարարի տեղակալ

Գ. Մինասյան — ՀՀ արդարադատության նախարարի տեղակալ

Հ. Հարությունյան — ՀՀ տարածքային կառավարման և ենթակառուցվածքների նախարարի տեղակալ

Ն. Ավագյան — ՀՀ կադաստրի կոմիտեի նախագահի տեղակալ

Ա. Գուգարաց — ՀՀ կադաստրի կոմիտեի նախագահի տեղակալ

Ե. Կիրակոսյան — Միջազգային իրավական հարցերով ներկայացուցիչ

Ա. Մարտիկյան — ՀՀ զինված ուժերի գլխավոր շտաբի պետի տեղակալ

Դ. Սանամյան — ՀՀ ազգային անվտանգության ծառայության դեպարտամենտի պետ

Ա. Մարալչյան — ՀՀ ազգային անվտանգության ծառայության սահմանապահ զորքերի հրամանատար

Ս. Պետրոսյան — ՀՀ զինված ուժերի գլխավոր շտաբի ռազմատեղագրական ծառայության պետ