Վրաստանի, Ադրբեջանի և Ռումինիայի պատվիրակությունները Եվրատեսիլ 2022-ի կազմակերպիչներին մեղադրել են իրենց միավորները փոխելու մեջ։ Այս մասին հայտնում է «Նովոստի-Գրուզիա» պորտալը։
Մրցույթի կազմակերպիչների ներկայացրած ամփոփիչ աղյուսակի համաձայն՝ Վրաստանից ժյուրիի ամենաբարձր գնահատականը (12 միավոր) բաժին է հասել Մեծ Բրիտանիային, որը զբաղեցրել է երկրորդ տեղը, իսկ Ուկրաինային՝ 6 միավոր։ Վրաստանի հանրային հեռարձակողն ընդգծում է, որ իրենք ուկրաինացի կատարողներին տվել են 12 միավոր։
Նման խնդիր է առաջացել նաև ադրբեջանական ժյուրիի հետ, որը նույնպես Ուկրաինային տվել է ամենաբարձր միավորը, որը հաշվվել է հօգուտ Մեծ Բրիտանիայի։
Միաժամանակ Ռումինիայի ներկայացուցիչները առավելագույն միավոր են տվել Մոլդովային, սակայն նրանց գնահատականը տրվել է Ուկրաինային։
Կազմակերպիչների կատարած փոփոխությունների արդյունքում Մոլդովան Ռումինիայից ոչ մի միավոր չստացավ։
Նշվում է, որ մինչ քվեարկության հայտարարումը Եվրոպական հեռարձակողների միությունը մրցույթից հանել է վեց երկրների ժյուրիի՝ «քվեարկության սխալ սխեմայի» հիման վրա։
Եվրատեսիլ 2022-ում առաջին տեղը զբաղեցրել է ուկրաինական Kalush Orchestra խումբը, երկրորդը և երրորդը՝ համապատասխանաբար Մեծ Բրիտանիայի և Իսպանիայի ներկայացուցիչները։
