ՌԴ ՊՆ-ն հայտարարել է, որ Կիևի ռեժիմի հրապարակած բոլոր լուսանկարներն ու տեսանյութերը, որոնք, իբր, վկայում են Բուչա քաղաքում ռուս զինվորականների կողմից ինչ-որ «հանցագործությունների» մասին, հերթական սադրանք են։
ՌԴ նախագահ Վլադիմիր Պուտինը ՌԴ Անվտանգության խորհրդի մշտական անդամների հետ քննարկել է Ուկրաինայում հատուկ գործողության ընթացքը, ինչպես նաև ռուսական և ուկրաինական պատվիրակությունների միջև բանակցությունները։ Այս մասին լրագրողներին հայտնել է ՌԴ ղեկավարի մամուլի քարտուղար Դմիտրի Պեսկովը։
«Շեշտվեց ուկրաինական կողմի տեղեկատվության և այլ դիվերսիաների ակտիվ հակազդման անհրաժեշտությունը», — ասել է նա՝ օրինակ բերելով Բուչայի սադրանքները։
Հանդիպմանը մասնակցել են վարչապետ Միխայիլ Միշուստինը, խորհրդարանի երկու պալատների նախագահներ Վալենտինա Մատվիենկոն և Վյաչեսլավ Վոլոդինը, Անվտանգության խորհրդի փոխնախագահ Դմիտրի Մեդվեդևը և ՌԴ Անվտանգության խորհրդի քարտուղար Նիկոլայ Պատրուշևը, Կրեմլի վարչակազմի ղեկավար Անտոն Վայնոն, ներքին գործերի նախարարներ Վլադիմիր Կոլոկոլցևը, ԱԳ նախարարներ Սերգեյ Լավրովը, պաշտպանության նախարար Սերգեյ Շոյգուն, ԱԴԾ ղեկավարներ Ալեքսանդր Բորտնիկովը, Արտաքին հետախուզության ծառայության ղեկավար Սերգեյ Նարիշկինը, շրջակա միջավայրի պաշտպանության, էկոլոգիայի և տրանսպորտի հարցերով` նախագահի հատուկ բանագնաց Սերգեյ Իվանովը։
Ավելի վաղ Ուկրաինայի իշխանությունները կադրեր էին տարածել, որտեղ ցուցադրված են Բուչայում զոհված խաղաղ բնակիչներ։ Նրանք այդ ողբերգության մեջ մեղադրել են ռուսական զորքերին, իսկ Վլադիմիր Զելենսկին կատարվածը որակել է որպես «ցեղասպանություն»։
Բուչայի դեպքերում Մոսկվայի մեղավորության ապացույց չկա. ԽՍՀՄ-ում ԱՄՆ-ի նախկին դեսպան
Ռուսաստանի Դաշնության պաշտպանության նախարարությունը հայտարարել է, որ Կիևի ռեժիմի կողմից հրապարակված բոլոր լուսանկարներն ու տեսանյութերը, որոնք իբր վկայում են Բուչա քաղաքում ռուս զինվորականների կողմից ինչ-որ «հանցագործությունների» մասին, «հերթական սադրանք են»։
Ինչպես նշել են ռազմական գերատեսչությունում` այն ժամանակ, երբ այս բնակավայրը գտնվել է ռուսական զինված ուժերի վերահսկողության տակ, տեղի ոչ մի բնակիչ չի տուժել բռնի գործողություններից։
Նախարարությունը նշել է, որ ռուսական բոլոր ստորաբաժանումներն ամբողջությամբ լքել են Բուչան մարտի 30-ին։
