Աջարիան կարող է հետևել Աբխազիայի և Հարավային Օսիայի օրինակին և սկսել Վրաստանից անջատվելու գործընթացը, կարծում է Դաշնության խորհրդի միջազգային հարցերով կոմիտեի փոխնախագահ Անդրեյ Կլիմովը։
Սենատորն արձագանքել է Վրաստանի նախագահ Սալոմե Զուրաբիշվիլիի հայտարարությանը, որ երկիրը մասնակցում է Ռուսաստանի դեմ բոլոր միջազգային ֆինանսական պատժամիջոցներին՝ համոզմունք հայտնելով, որ դա արվել է «ի պատասխան Ցխինվալի վերջին առաջարկների՝ Հարավային Օսիայի՝ Ռուսաստանի մաս դառնալու ցանկության մասին»։
«Չեմ բացառում, որ նման իրադարձությունների ֆոնին Աջարիան կարող է օրինակ վերցնել Աբխազիայից և Հարավային Օսիայից և սկսել Վրաստանից անջատվելու գործընթացը՝ հաշվի առնելով պատմական (թրքամետ), կրոնական (իսլամական) և աշխարհագրական (ծովային սահմանները Թուրքիայի հետ) հանգամանքները, հեշտ է հասկանալ, որ Անկարան բաց չի թողնի հնարավորությունն ուժեղացնելու իր ազդեցությունը հյուսիսարևելյան Սևծովյան տարածաշրջանում աջարացի անջատողականների աջակցությամբ»,- գրել է սենատորը Telegram-ի իր ալիքում։
Կլիմովի կարծիքով՝ վրացական իշխանությունների՝ հակառուսական պատժամիջոցներին միանալու որոշումը «առաջին հերթին կպատժի վրաց ժողովրդին»։ «Ռուսաստանի հետ առևտրից եկամուտները կհասնեն նվազագույնի, Ռուսաստանի Դաշնությունից ապրանքների առաքումները նույնպես կենսական նշանակություն ունեն Վրաստանի համար։ Վրացական ապրանքների տեղը Ռուսաստանի Դաշնությունում կզբաղեցնեն ուրիշները։ Ռուս զբոսաշրջիկների հոսքն ակնհայտորեն կկասեցվի։ Այս փոքրիկ լեռնային երկրի՝ առանց այն էլ ծանր տնտեսական վիճակը կդառնա ճգնաժամային»,- համոզված է նա։
Ինչպես նշել է սենատորը, սեփական բնակիչների նկատմամբ «անխոհեմ» գործողությունների պատասխանատվությունը ընկնելու է Վրաստանի ղեկավարության վրա։ «Այսպիսով, Վաշինգթոնի կողմից Մոսկվայի դեմ մղվող համապարփակ պատերազմը ավելի ու ավելի շատ զոհեր և ավերածություններ է բերում նրանց, ովքեր միանում են այս աղետալի առճակատմանը մեզ համար ոչ բարեկամական պետությունների կողմից»,- եզրափակել է Կլիմովը:
Ավելի վաղ Հարավային Օսիայի նախագահ Անատոլի Բիբիլովը հայտարարել էր, որ հանրապետությունը շուտով օրինական քայլեր կձեռնարկի՝ Ռուսաստանի մաս դառնալու համար։ Նա նշել է, որ այդ «ռազմավարական նպատակն» իրականացնելու հնարավորությունը եղել է դեռևս 2014 թվականին, երբ հանրաքվեից հետո Ղրիմը վերամիավորվեց Ռուսաստանի Դաշնությանը։
