Ռազմաճակատում իրերի իրական վիճակի մասին տեղեկությունը Պուտինին չի հասնում։ Այս մասին NBC հեռուստաալիքին ասել է Բայդենի վարչակազմի ներկայացուցիչը։
«Ուստի ԱՄՆ պաշտոնյաները (ի տարբերություն Մակրոնի և Շոլցի) այժմ չեն էլ փորձում խոսել Պուտինի հետ։ ԱՄՆ ղեկավարությունը ելնում է նրանից, որ Պուտինը տեղեկություններ չի ստանում ճակատում իրերի իրական վիճակի, ռուսական բանակի գործողությունների, տնտեսական պատժամիջոցների և դրանց հետևանքների մասին։ Ներքին շրջապատը պարզապես վախենում է Պուտինին ասել ճշմարտությունը»,- ասել է ամերիկացի պաշտոնյան։
