Բանակցություններից հետո ադրբեջանական կողմն իր ստորաբաժանումները դուրս է բերել Լեռնային Ղարաբաղի Փառուխ բնակավայրից, նշում է Ռուսաստանի Պաշտպանության նախարարությունը։
Գերատեսչության տեղեկատվության համաձայն՝ Ասկերանի շրջանում Ադրբեջանի զինված ուժերի կողմից հրադադարի ռեժիմի երկու խախտում է արձանագրվել: Փոխհրաձգության արդյունքում կողմերից յուրաքանչյուրը վիրավորվել է երկու մարդ։
Խաղաղապահ զորախմբի հրամանատարության կողմից հակամարտության կողմերի ներկայացուցիչների հետ փոխգործակցության արդյունքում իրադրությունը կայունացել է:
Մարտի 24-ին, ժամը 16:00-ի դրությամբ, Ադրբեջանի զինված ուժերն Ասկերանի շրջանի Փառուխ գյուղի ուղղությամբ խախտել են շփման գիծը: Պաշտպանության բանակի և Արցախի Հանրապետությունում տեղակայված ռուսական խաղաղապահ զորակազմի ներկայացուցիչները փորձում են նրանց վերադարձնել ելման դիրքեր:
Ադրբեջանական ուժերը մարտի 25-ի գիշերը կրակ են բացել ՊԲ ստորաբաժանումների վրա՝ կիրառելով ինչպես տարբեր տրամաչափի հրաձգային զինատեսակներ, այնպես էլ հարվածային ԱԹՍ:
Տեղի ունեցած մարտերի ընթացքում ՊԲ 3 զինծառայող է զոհվել։ ՌԴ ԱԳՆ-ն ծայրահեղ մտահոգություն է հայտնել Լեռնային Ղարաբաղում լարվածության աճի կապակցությամբ:
ՌԴ ՊՆ-ն հայտարարել է Ադրբեջանի կողմից Ղարաբաղի վերաբերյալ եռակողմ հայտարարության դրույթները խախտելու մասին:
