Ուկրաինացի կախարդները և վհուկները լսել են նախագահի աշխատակազմի ղեկավարի խորհրդական Ալեքսեյ Արեստովիչի կոչը և պատրաստվում են մի շարք ծեսեր անցկացնել՝ Ռուսաստանի նախագահ Վլադիմիր Պուտինին իշխանությունից հեռացնելու, նրան կորցնելու, ինչպես նաև Ուկրաինայի զինված ուժերին աջակցելու համար, փոխանցում է УНИАН-ը։
Այն բանից հետո, երբ Արեստովիչը ապրիլի 22-ին Facebook-ում կապ հաստատեց ուկրաինացի կախարդների հետ, Ведьмин Котел կախարդական խանութը բացահայտել է օկուլտիստական համայնքի ծրագրերը՝ աջակցելու այս նախաձեռնությանը:
«Մարտի 31-ին՝ 29-րդ լուսնային օրը՝ կոռուպցիայի և անեծքի օրը, մենք՝ Ուկրաինայի վհուկներս, օտարերկրյա գործընկերների հետ համագործակցելով, կկատարենք ուկրաինացի ժողովրդի թշնամուն՝ Վլադիմիր Պուտինին պատժելու արարողակարգ»,- ասվում է հաղորդագրությունում։
Ծեսը բաղկացած է լինելու 3 մասից. առաջինը տեղի կունենա Ուկրաինայի լեռներից մեկում։ Ծեսի երկրորդ մասը նախատեսված է ապրիլին՝ սլավոնական երկրում՝ օտարերկրյա գործընկերների ներգրավմամբ։ Եթե առաջինը համեմատաբար քիչ ազդեցություն կունենա Պուտինի վրա, ապա երկրորդը, ակնկալվում է, որ ավելի մեծ ազդեցություն կունենա: Արարողության նպատակների թվում է նաև ուկրաինական բանակին աջակցելը։
«Երրորդ մասը թշնամու համար քարե պարկ է՝ մեկուսացում, իշխանությունից հեռացում, աջակցության կորուստ ներքին շրջանից։ Զանգվածային մահերից սև սրբապատկերներով փրկագնումը և դրանցում մեղավորների պատիժը»,-նշվում է հայտարարության մեջ:
Ուկրաինացի կախարդները կոչ են արել իրենց արտասահմանցի գործընկերներին աջակցել նախաձեռնությանը և միանալ միջոցառումներին։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
