ՌԴ ՊՆ-ն նոր տեղեկություններ է հաղորդել Ուկրաինայում հատուկ գործողության մասին.
➖Ռուսաստանի զինված ուժերը Ուկրաինայում մեկ օրում խոցել են ևս 128 ռազմական թիրախ։ Այդ թվում` ՀՕՊ համակարգեր, 4 ռադիոլոկացիոն կայան, 4 հրամանատարական կետ, 7 զինամթերքի պահեստ և 68 ռազմական տեխնիկայի կուտակման տեղամաս։
➖Օրվա ընթացքում Ուկրաինայում ՌԴ օդատիեզերական ուժերի ավիացիան և հակաօդային պաշտպանությունը խոցել են ուկրաինական 3 ինքնաթիռ և 4 անօդաչու թռչող սարք։
➖Ընդհանուր առմամբ, ռազմական գործողության սկզբից ի վեր ոչնչացվել է ուկրաինական 111 ինքնաթիռ, 68 ուղղաթիռ, 160 անօդաչու թռչող սարք, 159 զենիթահրթիռային համակարգ, 1353 տանկ և այլ մարտական զրահատեխնիկա, 129 բազմակի հրթիռային կայանք, 493 դաշտային հրետանի և ականանետ։
