Ռուսաստանը Ուկրաինային միանգամից վեց պահանջ է ներկայացրել՝ պատերազմը դադարեցնելու համար։ Դրանցից հինգը, ինչպես պնդում է Կրեմլը, պետք է ամրագրվեն Ուկրաինայի Սահմանադրության մեջ, գրում են ուկրաինական զլմ-ները։
Ինչ է Ռուսաստանը պահանջում Ուկրաինայից (ըստ լրատվամիջոցների տեղեկությունների).
ՆԱՏՕ-ին անդամակցությունից հրաժարվելը. Ուկրաինայի չեզոք կարգավիճակ, որի երաշխավորներից մեկը պատրաստ է դառնալ Ռուսաստանը
Ռուսերենը երկրորդ պետական լեզու։ Այն սահմանափակող բոլոր օրենքների չեղարկում։
Ուկրաինայի կողմից Ղրիմի ճանաչումը որպես ռուսական.
Ուկրաինայի կողմից ԴԺՀ և ԼԺՀ անկախության ճանաչումը դրանց վարչական սահմաններում (ներառյալ այն տարածքները, որոնք այժմ վերահսկվում են Ուկրաինայի կողմից)
«Դենացիֆիկացիա». Ուլտրաազգայնական, նացիստական և նեոնացիստական կուսակցությունների և հասարակական կազմակերպությունների գործունեության արգելում, նացիստների և նեոնացիստների հերոսացման մասին գործող օրենքների վերացում։
«Ուկրաինայի ապառազմականացում». Հարձակողական զենքից ամբողջական հրաժարում։
Անթալիայում Լավրովի հետ հանդիպումից հետո Ուկրաինայի ԱԳ նախարար Դմիտրի Կուլեբան ասել էր, որ Ռուսաստանը ծրագրում է շարունակել իր ագրեսիան այնքան ժամանակ, քանի դեռ Ուկրաինան չի կատարում իր պահանջները՝ հանձնվելը։
