Ի տարբերություն այլ երկրների, Հայաստանում լյուստրացիայի իրավական կարգավորման անհրաժեշտություն չկա: Մեր երկրում այդ գործընթացն ընթանում է կամավոր և տարերայնորեն: Ինքնաբացահայտվում են բոլորը՝ մարդիկ, կազմակերպությունները, կուսակցությունները, հիմնարկները: Հայաստանն այն երկիրն է, որտեղ ինքնաբացահայտվում են անգամ բանկերը:
Օրինակ՝ Հայաստանում ռուսական ռուբլին ամենաբարձր փոխարժեքով գնում է հայ-շվեյցարական Արմսվիսբանկը: Նկատե՛ք, ոչ ռուսական ՎՏԲ-ն, ոչ իշխանությունների հետ նույնականացվող Հայէկոնոմբանկը, ոչ էլ մյուսները, այլ հենց Արմսվիսբանկը: Այսօր, ժամը 13:31 դրությամբ վերջինս ռուսական ռուբլին գնում էր 4.61 ՀՀ դրամով: Հայաստանում դա ոչ միայն ամենաբարձր փոխարժեքն է, այլև այն էապես տարբերվում է մյուս բանկերի սահմանված փոխարժեքից:
Իսկ ինչու՞ են հայ-շվեյցարական բանկին օրեցօր արժեզրկվող ռուբլիներ անհրաժեշտ: Չգիտեմ:
Միայն գիտեմ, որ մեր երկրում լյուստրացիան ինքնըստինքյան է ընթանում:
Իրավպաշտպան Կարեն Հեքիմյան
