Վաղվանից միջազգային չվերթներից բխող ռիսկերի պատճառով Օդային տրանսպորտի դաշնային գործակալության առաջարկով ռուսական ավիաընկերությունների թռիչքներն Ադրբեջան անորոշ ժամկետով դադարեցվում են։
«Ադրբեջանական ավիաուղիներ» ՓԲԸ-ի մամուլի ծառայությունից հայտնում են, որ իրավիճակը պայմանավորված է նաև միջազգային ավիացիոն ապահովագրության և վերաապահովագրության շուկայում պատժամիջոցների հետ կապված վերջին փոփոխություններով։ Այս փոփոխություններն անդրադարձել են նաև Ադրբեջանի ազգային ավիափոխադրողի գործունեության վրա։ Ստեղծված իրավիճակում AZAL-ը և ապահովագրական ընկերությունները պետք է մանրամասն վերլուծեն փոխված իրավիճակը, գնահատեն բոլոր բացասական և դրական ազդեցությունները, ուսումնասիրեն իրենց քաղաքականության բոլոր հնարավոր փոփոխությունները:
Վերոնշյալի կապակցությամբ ադրբեջանական AZAL և Buta Airways ավիաընկերությունները մարտի 6-ի ժամը 08:00-ից դադարեցնում են բոլոր թռիչքները դեպի Ռուսաստանի Դաշնության քաղաքներ։
