ՌԴ նախագահ Վլադիմիր Պուտինը Ուկրաինայում հատուկ ռազմական գործողության մասին որոշումը ծանր է անվանել:
Ռուսաստանի նախագահի խոսքով՝ Ուկրաինայի չեզոք կարգավիճակը պետք է, որպեսզի երկիրը չմտնի ՆԱՏՕ-ի կազմ։
Ռուսաստանի դեմ պատժամիջոցները նման են պատերազմ հայտարարելուն, բայց դրան դեռ չի հասել, ասել Է Պուտինը։
Նա ընդգծել է, որ ՌԴ-ն Ուկրաինայի նկատմամբ ոչ թռիչքային գոտի ստեղծելու այլ երկրների ցանկացած փորձ կդիտարկի որպես մասնակցություն ռազմական գործողություններին: Նախագահը հայտնել է, որ ոչնչացվել է Ուկրաինայի գրեթե ողջ ռազմական ենթակառուցվածքը, գործնականում ավարտվել է ՀՕՊ-ի վերացումը:
Պուտինը հայտարարել է, որ չի կասկածում, որ ՌԴ բանակը կլուծի Ուկրաինայում իր առջև դրված բոլոր խնդիրները: Ռազմական դրություն է մտցվում արտաքին ագրեսիայի դեպքում, Ռուսաստանում նման իրավիճակ այժմ չկա և, կարելի է հուսալ, չի լինի, ասել է Պուտինը։
